Benjamin Pavard është në proces të përfundimit të testeve mjekësore me Interin përpara lëvizjes së tij nga Bayern Munich.
Mbrojtësi i djathtë francez do t’i bashkohet ‘Nerazzurrëve’ në një marrëveshje me vlerë 30 milionë euro me 2 milionë euro shtesë, gati për të nënshkruar një kontratë pesëvjeçare me vlerë rreth 5 milionë euro neto në sezon. Dekreti i rritjes nuk mund të përfitohet për vitin e parë të marrëveshjes së tij, sepse ai mbërriti pas afatit të 2 korrikut.
Pavard mbërriti në Itali të martën në mbrëmje pasi Bayern Munich më në fund dha dritën jeshile për një marrëveshje, pasi kishte rënë dakord prej kohësh me Interin.
Siç u theksua nga Gianluca Di Marzio, Pavard mbërriti në selinë e CONI këtë pasdite për të përfunduar testet mjekësore me Interin. Para se të hynte në godinë, ai u përshëndet përzemërsisht nga disa tifozë ‘Nerazzurrë’, të cilët bënë foto dhe autografe.
Gjatë katër viteve të tij me Bayern Munich, Pavard shënoi 12 gola dhe dha 12 asistime në 163 paraqitje gjithsej./Lajmi.net/
