Liga e Kampioneve mëson sot rrugëtimin në fazën në grupe të turneut, në një aktivitet i cili vlerësohet si më i ndjekuri në botë sa u përket klubeve të futbollit. Një aktivitet i mbushur me yje, por ku pas 20 vitesh do të mungojnë ata dy që kanë shkruar historinë në këto dy dekada, Kristiano Ronaldo dhe Lionel Mesi.
Për herë të parë që nga viti 2023, në fazën e grupeve nuk do të jetë as portugezi dhe as argjentinasi, të cilët ndihmuan në këto vite që të shtonin famën e turneut duke marrë shpesh rol qendror me paraqitjet dhe golat e tyre.
Në vitin 2003 ishte Ronaldo ai që debutonte në fazën në grupe me Mançester Junajtid (kishte luajtur vetëm në play-off një vit më parë më Sporting Lisbonën). Ndërsa në dhjetorin 2004 e kishte radhën Mesi të linte shenjën e tij duke shkelur për herë të parë fushën në këtë aktivitet me Barcelonën.
Ronaldo fitoi 5 herë Ligën e Kampioneve, ndërsa Mesi 4, duke qenë të dy ata që entuziazmonin më shumë tifozët më golat e tyre. Jo rastësisht, është Ronaldo golashënuesi më i mirë i këtij turneu me 140 gola, i ndjekur nga Mesi me 129. Ndjekësi më i afërt është Levandovski me “vetëm’ 91 gola.
Ky është fundi i një epoke, edhe për faktin se tashmë turneut do t’i mungojnë lojtarët që kanë dominuar edhe garën për “Topin e Artë”. Me largimin e këtyre dy yjeve, si dhe të Benzema, tashmë në garë mbetet vetëm Luka Modriç si lojtar i cili ka shijuar suksesin në garën për trofeun më të rëndësishëm individual.
PANORAMASPORT.AL
