Ndeshja me Empolin ishte shkas edhe për disa deklarata nga ana e drejtorit Kristiano Xhuntoli, që mes rezultateve dhe merkatos analizoi situatën e Juventusit.
MERKATO – “Kemi një politikë që duhet të ndjekim dhe merkatoja është brenda parametrave të paracaktuar. Kemi ulur moshën mesatare duke integruar të rinj interesantë. Uroj që me rikuperimet e Pogbasë, Kiezës dhe Vlahoviçit të ngremë nivelin aty ku duam”.
OBJEKTIVAT – “Duam të kthehemi në Ligën e Kampionëve, por nuk i vendosim kufij vetes. Qëllimi është ky, nuk mund të bëjmë fluturime fantazie. Do të luftojmë në kampionat duke bërë më të mirën, por kjo Juve ka si synim të kthehet në Champions”.
E ARDHMJA – “Qëndrueshmëria shpesh mund të shkojë paralelisht me cilësinë. Mendoj se kemi një skuadër shumë të vlefshme, jemi shumë të qetë që mund të bëjmë mirë. Qëndrueshmëria financiare është shumë e rëndësishme sepse do t’i japë qetësi të ardhmes së klubit. Po bëjmë një punë të shkëlqyer, përpiqemi të bëjmë maksimumin e asaj që mundemi. Balanca e duhur midis qëndrueshmërisë dhe cilësisë së ekipit është ajo që kërkojmë. Duhet kohë, por ne kemi besim: jemi një bllok i bashkuar mes klubeve, lojtarëve dhe pronarëve. Kështu duhet të jetë Juventusi”.
PANORAMASPORT.AL
