Portugali – Slloveni dhe Ukrainë – Spanjë.
Këto janë gjysmëfinalet e Kampionatit Europian të moshës deri në 19 vjeç në futboll salle, që është duke u zhvilluar në Poreç të Kroacisë dhe që po vjen drejtpërsëdrejti në rrjetin e Radio Televizionit Shqiptar.
Shumë emocionuese ndeshja mes Kroacisë dhe Portugalisë, atje ku të besuarve të Duje Maretiç i duhej vetëm fitorja.
Pedro Markez, që ka realizuar trigolësh, bëhet inspirues për portugezët, të cilët kanë shënuar dhe me anë të Rikardo Markez e në fund kanë fituar 4-3. Që do të thotë se nuk kanë mjaftuar golat e Josipoviç, Galesiç dhe Jedvaj.
Ndërkohë Spanja, që është dy herë Kampione Europe për këtë moshë, ka mundur 5-2 Francën.
Tapias autogol më pas Miguel, Kano, Huaniko dhe Ruben Rodo kanë zhvlerësuar golat e Lançer Asnem dhe Erradaf.
Në grupin B bën përshtypje eleminimi i Italisë, ndërsa është mundur nga Slloveni 2-4, kurse Ukraina ka fituar me Finlandën, 7-4. Gjysmëfinalet luhen të premten, ndërsa finalja e madhe të dielën në ora 20:30.
