Federata e Futbollit e Kosovës e ka njoftuar opinionin se biletat e ndeshjes Kosovë – Zvicër janë të personalizuara dhe nuk mund të transferohen te një person tjetër.
Ditët e fundit në Kosovë ka lulëzuar “tregu i zi” sa i përket biletave.
Ata po shiten me çmime të larta në rrjetet sociale.
Në secilën hyrje të stadiumit funksionon sistemi digjital dhe do të bëhet kontrolli i poseduesve të biletave të personalizuara.
Çdo abuzim me biletat do të paraqitet tek organet e rendit, me të cilat jemi duke bashkëpunuar ngushtë në parandalimin e keqpërdorimit të biletave për ndeshje.
Andaj, FFK fton qytetarët që të mos bien pre e mashtruesve në tregun e zi dhe çdo abuzim me bileta ta paraqesin tek organet e rendit.
Kosova dhe Zvicra përballen të shtunën nga ora 20:45 në stadiumin “Fadil Vokrri” në Prishtinë në kuadër të kualifikimeve për Kampionatin Evropian që zhvillohet vitin e ardhshëm në Gjermani.
