Performanca spektakolare e mbrojtësve të Kombëtares shqiptare, bëri që Robert Levandovski të ishte inekzistent në duelin ndaj Shqipërisë, ku kuqezinjtë triumfuan me rezultatin 2-0. Gjimshiti dhe Ismajli u kujdesën më së miri për ta futur “në xhep” yllin polak, i cili nuk arriti të realizonte asnjë gjuajtje në kuadrat.
Statistikat e “Sofa Score”, konfirmojnë se sulmuesi i Barcelonës la për të dëshiruar në “Air Albania”. Ai e preku vetëm 1 herë topin brenda zonës, ndërkohë që fitoi 4 nga 10 duelet ajrore me futbollistët e Shqipërisë. Në total Leva e preku 32 herë topin, teksa realizoi vetëm 1 driblim. Në fund të sfidës, sulmuesi polak u vlerësua me notën 6.6.
PANORAMASPORT.AL
Teilen:
