Liverpooli kërkon Rodrygon
Skuadra e Liverpoolit ka shprehur interesim për brazilianin Rodrygo, ka raportuar të mërkurën “Daily Mail”.
Bëhet e ditur se Liverpooli po synon transferimin e sulmuesit të krahut, në fund të këtij edicioni.
Rodrygo, i cili është pjesë e Real Madridit, te Liverpooli po shihet si zëvendësim për Mohamed Salahun.
Ky i fundit, pritet që vitin e tjetër të largohet nga Liverpooli për ta vazhduar karrierën në Arabinë Saudite.
22-vjeçari këtë edicion ka shënuar 1 gol në pesë ndeshje të luajtura në La Liga, ndërsa është pjesë e Realit prej vitit 2019 kur iu bashkua nga Santosi.
Ai ka kontratë me skuadrën spanjolle deri në vitin 2025 dhe kartoni i tij vlerësohet rreth 100 milionë euro.
