Ballkani e nis sot aventurën në fazën e grupeve në Ligën e Konferencës për herë të dytë në dy vitet e fundit.
Kampioni i Kosovës do të ketë punë në udhëtim me Viktoria Plzen në Çeki, në kuadër të Grupit C, shkruan lajmi.net.
Skuadra çeke konsiderohet favorite për të triumfuar ndaj Ballkanit, sipas kuotave të publikuara nga kompania e madhe e basteve sportive “bet365”.
Fitorja e Viktoria Plzen llogaritet me kuotën 1.30, barazimi 5.50, ndërkaq triumfi i suharekasve llogaritet 9.50.
Për këtë ndeshje, trajneri Ilir Daja tha të mërkurën në konferencë për media se vendasit janë favorit absolut, por që lojtarët e tij janë përgatitur për të bërë diçka të mirë në këtë ndeshje.
Ndeshja e sotme mes Viktoria Plzen dhe Ballkanit zhvillohet nga ora 21:00.
Në Grupin C së bashku me Ballkanin dhe Viktoria Plzen janë edhe Dinamo Zagreb e Astana./Lajmi.net/
