Ten Hag i përgëzoi lojtarët e tij për shpirtin e garës së prezantuar ndaj Bajernit mbrëmjen e djeshme, në kuadrin e fazës së grupeve në vazon A. Tekniku holandez e vuri theksin te mungesa e qëndrueshmërisë dhe i referohet momentit kur loja ishte 2-1.
“I zhgënjyer për faktin se i shënuam 3 gola një ekipi të shkëlqyer si Bajerni në transfertë dhe nuk arritëm të dilnim qoftë edhe me barazimin.
Shënimi i golit në fillim të pjesës së dytë dhe ruajtja e rezultatit për disa minuta mund të kishte ndryshuar perceptimin e lojë nga ekipi ynë, por nuk ia dolëm dhe ata shënuan nëpërmjet penalltisë. Kemi kaluar një javë jo të lehtë dhe mund të marrim diçka pozitive prej Mynihut”, e mbylli Ten Hag.
PANORAMASPORT.AL
