“Zikaltërit” e Inter vijojnë ecurinë pozitive në Serie A, teksa mesditën e kësaj të diele, që sapo lamë pas arritën një fitore në transfertën e Empoli, duke i mundur këta të fundit me rezultatin minimal 0 me 1.
Falë kësaj fitoreje djemtë e Simone Inzaghi tashmë kanë siguruar 5 fitore nga 5 sfidat e para, mirëpo, drejtori sportiv i Inter, Giuseppe Marotta e ka mendjen te rinovimi i armenit, Henrikch Mkhitaryan, rinovim, i cili duket se është ende shumë larg.
“Ne po vlerësojmë të gjitha zgjidhjet, nuk është koha për t’u thelluar me këto çështje. Do veprojmë në kohën e duhur, duke u nisur nga një koncept. Nëse një lojtar tregon se dëshiron të qëndrojë, atëherë për klubin bëhet më e lehtë për të vendosur”,- u shpreh drejtuesi “zikaltër”. /i.m /abcnews.al
