“Bavarezët” e Bayern Munich arritën një fitore madhështore, mesditën e së shtunës që sapo lamë pas, teksa, në “Allianz Arena” mundën me rezultatin e thellë 7 me 0, skuadrën e Bochum, skuadër e cila sezonin e kaluar ndaloi “verdhezinjë” e Borussia Dortmund në barazim, duke mos i lejuar këta të fundit të fitojnë titullin kampion.
Mbi këtë fitore “magjike” ka folur dhe “veterani” i mesfushës së Bayern Munich, Thomas Muller, i cili për mediat është shprehur se Bochum nuk është një skuadër e dobët dhe se për këtë mund të pyesin “verdhezinjtë”, duke i kujtuar këtyre të fundit episodin e sezonit të shkuar.
“Zbatuam planin me përpikmëri dhe luajtëm me entuziazëm. Grupi funksionoi si ekip i bashkuar. Bochumi mori guximin në momente të caktuara për të dalë në aventurë dhe mori shpërblimin me vete.
Nëse mendoni se ata janë të dobët dhe suksesi me shifrat 7-0 analizohet si detaj normal, mjafton të pyesni Dortmundin. Ata u përballën sezonin e shkuar dhe të gjithë jemi dëshmitarë se cili ishte përfundimi”,- u shpreh Muller. /i.m /abcnews.al
