Mauricio Poçetino ka ende mbështetjen e lojtarëve të tij të Çelsit, pavarësisht nisjes së tyre të tmerrshme të sezonit. Trajneri i bluve ka fituar vetëm një nga gjashtë ndeshjet e tij në Premier Ligë këtë sezon.
Ai gjithashtu sulmoi skuadrën e tij të re pas humbjes në shtëpi të dielën me Aston Vilën, duke u thënë atyre që të rriten dhe se janë pa eksperiencë. Megjithatë, “Daily Mail” raporton se trajneri argjentinas ka ende mbështetjen e lojtarëve të tij në “Stamford Bridge”.
Lajmin shton se qasja e tij në skuadër që nga mbërritja në Londrën Perëndimore është mirëpritur nga skuadra. Aftësitë menaxhuese të Poçetinos janë vlerësuar, së bashku me gatishmërinë e tij për t’u angazhuar me lojtarët.
Ish-trajneri i Totenhemit gëzon ende edhe mbështetjen e pronarëve, të cilët po qëndrojnë pranë skuadrës së tyre në këtë moment të vështirë.
PANORAMASPORT.AL
