Sot, zhvillohen dy ndeshje interesante në kuadër të xhiros së tetë në Superligën e Kosovës në futboll.
Liria është nikoqire e Malishevës, ku kjo e fundit po kalon nëpër një formë të mirë.
Prizrenasit pas humbjes tronditëse nga Feronikeli 74, do të tentojnë të rikthehen te rezultatet pozitive para shikuesve të vet.
Në anën tjetër, kryendeshja e ditës së sotme do të jetë ballafaqimi i Ballkanit me Llapin.
Llapi nën drejtimin e trajnerit Tahir Batatina e ka nisjen më të mirë në sezonet e fundit, duke u renditur në vendin e parë pas shtatë xhirove.
Megjithatë, këtë nisje synon ta prish kampioni aktual Ballkani, për ta rrëzuar klubin llapian nga vendi i parë.
Dy ndeshjet luhen me fillim nga ora 15:00.
