Ndeshja mes Cërvena Zvezdës dhe Radniçkit nisi me një koreografi speciale të tifozëve famëkeq të klubit vendas ‘ Delie’, duke vajtur për anëtarin e tyre terrorist të vrarë në Kosovë, Stefan Nedelkoviq, që ishte pjesë e sulmit terrorist në Banjskë.
Ultasit serbë, kanë qëndruar në heshtje deri në minutën e 31-të për Nedelkoviqin.
Arsyeja sipas mediave ishte se terroristi serb ishte 31 vjeç.
Të pranishmit pas porte zbuluan edhe një pankartë ku shkruhej “Ende nënat lindin Obiliqa ” dhe pastaj kënduan një këngë për tre terroristët që u vranë nga Policia e Kosovës.
Policia e Kosovës para një jave u përballë me mbi 300 terroristë serbë që ishin futur në veri të vendit dhe ishin të armatosur me artileri të rënda.
Rreshteri i Policisë së Kosovës, Afrim Bunjaku humbi jetën në përleshje me terroristët serbë, ku prej tyre zyrtarisht mbetën tre të vrarë.
