Trajneri i Lacios, Mauricio Sarri u shfaq tepër i zhgënjyer në konferencën për shtyp pas humbjes 2-0 ndaj Milani. Tekniku i skuadrës kryeqytetase qan kalendarin e çmendur, teksa lacialët u përballën në 3 duelet radhazi me Napolin, Juventusin dhe Milanin.
A jeni një ekip i madh?
“Ne nuk jemi një skuadër e madhe dhe nuk mund ta konsideronim veten një të tillë as vitin e kaluar. Kundër Milanit kalibri është ndryshe. Sot pashë një ekip që, krahasuar me ndeshjet e mëparshme kundër Milanit në San Siro, luajti me më shumë personalitet.
Në pjesën e pare ne kemi bërë më mirë se ata, duke u futur në hapësira me epërsi apo barazi numerike për rreth dhjetë raste shënimi, duke hedhur disa topa nga të cilët nuk kemi nxjerrë asgjë, kemi vuajtur për 15 minuta, por kjo është normale.
Pastaj reagimi ishte zhgënjyes: një minutë para golit 2-0 mrekullia e Florenzit shpëtoi rezultatin. Jemi viktima të një kokteji vdekjeprurës: tre ndeshje jashtë Napoli, Juventusi dhe Milanit, nuk kam parë askënd ta bëjë këtë. Renditja nuk është për të parë tani.
Sa e vështirë është të konfirmosh veten pas vitit të kaluar?
Ishte e parashikueshme që do të ishte e vështirë. Rruga e ndjekur duket se është e duhura, por nuk do të jetë e lehtë të dalim nga një situatë e keqe në renditje.
Pse mesfusha ndryshon gjithmonë?
Është zgjedhja e diktuar nga një kalendar i çmendur. Jam i egërsuar nga UEFA, FIFA, Lega Serie A dhe gjithë kjo bandë për këtë kalendar të çmendur. Ata po i dërgojnë këta njerëz në thertore pa ndërhyrë askush. Ky është futbolli: Merr paratë dhe ik. Dhe tani ka më pak prej tyre: në Serinë C nuk keni fusha futbolli. Të gjitha këto para futbolli injektohen në 30-40-50 lojtarë.”
A e keni mbështetur tregun e transferimeve të Lacios?
Është e vështirë të përgjigjem. Fillova me emra të tjerë, pastaj u thashë po lojtarëve të tjerë.
Probleme në sulm?
Ka një fakt: vitin e kaluar ishim të parët për golat dhe rastet e krijuara, këtë vit jemi të tetëmbëdhjetët.
PANORAMASPORT.AL
