Gabimi i gjyqtarëve në ndeshjen Totenhem-Liverpul, i pranuar tashmë edhe nga Premier Liga angleze, i ka kushtuar shumë një bastexhiu. Totenhem-Liverpul u mbyll në shifrat 2-1, por takimi u eklipsua nga një gabim i gjyqtarëve, të cilët anuluan një gol të rregullt të Luis Diaz në minutën e 34-t të pjesës së parë.
Një bastexhi anglez nuk arriti të fitonte shumën 9510 paund ( afro 11 mijë euro) për shkak të këtij gabimi.
Ai parashikoi që Luis Diaz, Gakpo dhe Heung Min Son do të shënonin, si dhe Destini Udogie, Ives Bisouma dhe Mek Allister do të merrnin kartonë të verdhë. Batexhiu arriti që t’i gjejë të gjitha, me përjashtim të golit të Diaz, që u anulua me pa të drejtë.
Anglezi ka reaguar i zemëruar në rrjetet sociale ku ka publikuar edhe skedinën e tij. Ja reagimi i bastexhiut të pafat: “Dikush do të duhet të përgjigjet për këtë!”
Gjyqtarët që ishin në VAR janë dënuar duke u lënë pushim për dy javët në vijim në Premier Ligën.
PANORAMASPORT.AL
