Sonte me fillim nga ora 21:00 stadiumi “Signal Iduna Park” do të jetë nikoqir i ndeshjes tejet interesante mes Borussia Dortmundit dhe Milanit.
Përballja e sotme i takon xhiros së dytë të fazës së grupeve të Ligës së Kampionëve, ku në raundin e parë Dortmundi u mposht 2:0 nga Paris Saint-Germain, kurse Milani barazoi 0:0 me Newcastle.
Momentalisht, Milani renditet i treti në Grupin F me një pikë të arkëtuar, krahas Dortmundit që zë vendin e fundit me asnjë pikë.
Takimi i fundit mes këtyre dy skuadrave daton në muajin korrik të vitit 2017, ku asokohe Dortmundi e mposhti Milanin 3:1.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Dortmundin nuk do të paraqiten Meunier, Morey dhe Sabitzer, kurse te Milani mungojnë Bennacer, Caldara, Kalulu, Krunic dhe Loftus-Cheek.
Formacionet e mundshme të dy skuadrave i gjeni më poshtë.
Borussia Dortmund (4-3-3): Kobel; Ryerson, Hummels, Schlotterbeck, Bensebaini; Ozcan, Can, Brandt; Malen, Fullkrug, Adeyemi
Milan (4-3-3): Maignan; Calabria, Tomori, Thiaw, Hernandez; Musah, Reijnders, Pobega; Pulisic, Giroud, Leao
21:00 Borussia Dortmund – Milan (Stadiumi Signal Iduna Park)
