Ballkani do të presë Dinamo Zagrebin në Prishtinë, një emër të njohur të futbollit ballkanik dhe jo vetëm, në ndeshjen e dytë të fazës së grupeve të Ligës së Konferencës.
Para ndeshjes në konferencë për media krahas trajnerit Ilir Daja është paraqitur edhe mesfushori Qëndrim Zyba.
“Tashmë katër ekip marrin pjesë në Evropë. Tashmë klubet e huaja kanë respekt për neve. Nuk na shohin më si autsajder pasi na kanë parë se çka kemi bërë vitin e kaluar dhe këtë vit. Na duhen rezultatet pozitive dhe ta ngrisim nivelin e Suprligës sonë”, ka thënë Qëdrim Zyba në konferencën për media, shkruan Lajmi.net.
“E dimë forcën e kundërshtarit, por shpresojmë që me ndihmën e tifozëve të bëjmë paraqitje të mirë dhe të marrim rezultatin që duam”, vlerësoi Zyba.
Ballkani – Dinamo Zagreb zhvillohet nga ora 18:45 të enjten në stadiumin ”Fadil Vokrri” në Prishtinë. /Lajmi.net/
