Partizani i Tiranës ka njoftuar zyrtarisht se ka ndarë rrugët me trajnerin kroat, Zoran Zekiq i cili është kthyer te NK Osijek.
Kampionët e Shqipërisë kanë arritur marrëveshje me Osijkun për transferimin e trajnerit Zekiq, shkruan lajmi.net.
Tekniku kroat për shkak të arsyeve familjare ka kërkuar të vazhdojë karrierën afër familjes dhe klubi shqiptar lejoi largimin e tij.
Gjithashtu, Partizani e ka falënderuar trajnerin kroat Zekiq për kontributin e dhënë te “Të Kuqtë”.
Njoftimi i plotë:
Klubi i Partizanit njofton arritjen e marëveshjes me NK Osijek për transferimin e trajnerit Zoran Zekić. Tekniku kroat për shkak të arsyeve familjare ka kërkuar të vazhdojë profesionin afër familjes së tij dhe Klubi i Partizanit pas dakordësisë me klubin kroat lejoi transferimin e Zekić te NK Osijek. Falenderojmë trajnerin Zoran Zekić për kontributin e tij në drejtimin e stolit të kuq dhe i urojmë suksese në karrierë.
Në drejtimin e skuadrës do të vazhdojë stafi teknik i kryesuar nga Drejtori Sportiv Arbër Abilaliaj mbështetur nga Mario Kuić, Renaldo Kalari, Kushtrim Voka dhe Marko Matijević./Lajmi.net/
