Nga ARRIGO SAKI
Surpriza më e mirë nga Interi i Simone Inzagit është padyshim Markus Turam dhe debutimi i tij në kampionatin italian. Nuk është e lehtë të arrish në Serinë A dhe të jesh në gjendje të jesh vendimtar menjëherë. Sa shumë kampionë kanë hasur vështirësi në sezonin e tyre të parë në futbollin tonë. Por këtu jemi përballë një lojtari që është futur mrekullisht në manovër, ndjek me përpikmëri urdhrat e trajnerit dhe mbi të gjitha integrohet në mënyrë perfekte me Lautaron që përfiton prej tij, aq sa argjentinasi ështëgolashënuesi më i mirë i kampionatin. Lëvizjet e Turamit janë gjithmonë funksionale me ato të shokut të skuadrës. Nëse Lautaro sulmon hapësirën, ai vjen drejt tij dhe anasjelltas. Dhe mund të shihni që dy lojtarët po kërkojnë shpesh njëri-tjetrin. Inter zhvillon shumë manovra në krahë dhe të dy janë të mirë në ndarjen e zonës së penalltisë, njëri shkon në shtyllën e parë dhe tjetri në të dytën, ose njëri largohet pak nga shënimi, ndërsa tjetri projekton drejt portës. Markus është shumë inteligjent dhe këtë po e tregon çdo ndeshje në fushë. Me Lautaron kimia është e dukshme. E përsëris që janë një çift i përputhur mirë.
PANORAMASPORT.AL
