Klubi i Hendbollit Samadrexha ka nderuar heroin e Kosovës, Afrim Bunjakun para ndeshjes së parë kampionale.
Samadrexha ka ndarë mirënjohje për familjarët dhe kolegët e policit të Kosovës, shkruan lajmi.net.
Familjarët e heroit Afrim Bunjaku ishin prezent në palestër të veshur me fanella të bardha në të cilat ishin logo e Policisë së Kosovës dhe asaj të klubit vushtrrias.
“Sot në palestrën sportive të fshatit “Afrim Bunjaku”, klubi jonë para se të filloj ndeshjen e parë të këtij sezoni organizoi aktivitet për t’i nderuar dy ikona e fshatit tonë, heronjtë Lumni Surdulli dhe Afrim Bunjaku”.
“Gjatë këtij aktiviteti, klubi ju ndau mirënjohje familjarëve të heronjve dhe kolegëve të stacionit policor ku kishte shërbyer heroi, Afrim Bunjaku”, thuhet ndër tjerash në postimin e KH Samadrexha.
Heroi Afrim Bunjaku u vra në krye të detyrës nga terroristët serb në fshatin Banjskë të Zveçanit më 24 shtator të këtij viti./Lajmi.net/
