Sulmuesi, Vedat Muriqi është grumbulluar me Kombëtaren e Kosovës, por nuk do të mund të luajë në ndeshjen kundër Andorrës.
“Pirati” është suspenduar pasi u ndëshkua me karton të kuq në ndeshjen kundër Rumanisë, shkruan lajmi.net.
Për shkak se ndeshja ndaj Izraelit u anulua, mediumi spanjoll AS e ka cilësuar të kot grumbullimin e 29-vjeçarit.
“Lojtari i Kosovës ka udhëtuar për asgjë me ekipin e tij pasi në kalendarin aktual të FIFA-s nuk do të luajë asnjë nga dy ndeshjet në fazën kualifikuese për Euro 2024. Këtë të enjte Kosova do të luajë në orën 20:45 kundër Andorrës, por sulmuesi është pezulluar dhe nuk do të jetë në lojë. Në anën tjetër, ndeshja në Prishtinë të dielën më 15 tetor kundër Izraelit, është shtyrë për shkak të situatës në Izrael”, ka shkruar mediumi.
Kombëtarja e Kosovës është në Grupin I me Zvicrën, Rumaninë, Izraelin, Bjellorusinë dhe Andorrën dhe është e pesta në grup me 4 pikë, pas katër barazime dhe dy humbjeve deri më tani. /Lajmi.net/
