Kombëtarja shqiptare e futbollit të enjten mbrëma arriti fitore me “aromë” Evropiani kundër Çekisë.
Kuqezinjtë triumfuan 3:0 kundër Republikës Çeke në stadiumin “Air Albania” në Tiranë, shkruan lajmi.net.
Të gjitha ulëset e stadiumit në Tiranë ishin të mbushura me tifozë, ndërsa një nga momentet kulminante ishte edhe intonimi i himnit kombëtar.
I gjithë stadiumi ishte në këmbë, e me dorë në zemër gjatë intonimit të himnit.
Lajmi.net ju sjell pamje nga tribunat e stadiumit gjatë intonimit të himnit kombëtar shqiptar.
