Mbrojtësi i Francës, Lukas Hernandez ka vlerësuar portierin Majk Menja pas fitores së Francës ndaj Holandës. Ai u ngatërrua duke thënë që është me fat që e ka në klub por më pas e korrigjoi veten duke thënë se është me fat që e ka më Kombëtare.
“Për mua, sot, nuk ka portier më të mirë se ai. Ai është në një moment të pabesueshëm, duke luajtur në një super niveli. Për mua ai është numri 1 në botë dhe ne jemi me fat që e kemi në klub (korrigjon veten, qesh)… në kombëtare. Ne do të përballemi me të si klub (PSG do të sfidojë Milanin në Champions) por ai është me të vërtetë një portier i madh. Qetësia dhe besimi që tregon në çdo ndeshje janë të pabesueshme… le të shpresojmë të vazhdojë kështu, sepse është i pari në botë”, tha ai për kamerat e TF1.
PANORAMASPORT.AL
