Julian Nagelsman, në postin e trajnerit të ri te përfaqësuesja e Gjermanisë, realizoi si lëvizje të parë shiritin e kapitenit në favor të Ilkai Gyndoanit, teksa mesfushori 32-vjeçar ia shpërbleu besimin ishtrajnerit të Bajernit në periudhën 2021-mars 2023 me gol në suksesin 3-1 kundër SHBA-së.
Gyndoan në zonën e prononcimeve u evidentua tepër entuziast me “timonierin” e ri: “Stili i lojës që aplikuamme Nagelsmanin në krye ka tjetër rendiment krahas paraardhësit. Fantastik do ta quaja më saktë. Trajnimi me Julianin dha fryte në një kohë rekord, pavarësisht trysnisë, krahas trendit negativ.
Të konkludosh punë fantastike në kohë kaq të shkurtër meriton vlerësimet më të larta dhe gjithë ky reflektim i adresohet Nagelsmanit. Përkushtimi i tij është vërejtur që në seancat e para, i bindur se me kalimin e kohës grupi do të jetë më i mirorganizuar për taktikat që trajneri ynë ka në plan”.
PANORAMASPORT.AL
