Komiteti Ekzekutiv i Federatës së Futbollit të Çekisë vendosi në një mbledhje të jashtëzakonshme të martën që trajneri i kombëtares, Silhavi të mos shkarkohet në këtë moment, pavarësisht tensionit që shoqëroi ambientin ku u diskutua çështja e teknikut.
Përfaqësuesja e njohur u mund 3-0 nga Shqipëria (kualifikuese, Euro 2024), ndërsa fitorja minimale 1-0 me Ishujt Faroe duket sikur qetësoi ujërat.
Komiteti Ekzekutiv vendosi një kontratë të re për trajnerin Silhavi, e cila zgjat deri me 30 nëntor, pra deri pas takimeve të fundit të fushatës eliminatore të Euro 2024 ndaj Polonisë dhe Moldavisë në nëntor.
“Komiteti ekzekutiv refuzoi zëvendësimin e menjëhershëm të trajnerit dhe të gjithë ekipit zbatues. Ne preferuam opsionin që Silhavi dhe ekipi zbatues të qëndrojnë dhe të udhëheqin ekipin kundër Polonisë dhe Moldavisë” – u shpreh presidenti i federatës çeke të futbollit, Peter Fousek.
PANORAMASPORT.AL
