Sylvinho: E përmbyllëm një periudhë jashtëzakonisht pozitive, na kanë mbetur edhe dy ndeshje për ta arritur objektivin tonë.
Shqipëria është 99% e kualifikuar në Kampionatin Evropian.
Kuqezinjtë zhvilluan një cikël kualifikues të jashtëzakonshëm, e cila kulmoi me fitoren 3:0 ndaj çekëve.
E thelbësor në këtë sukses ishte edhe trajneri i Shqipërisë, Sylvinho.
Ai ka reaguar pas ndeshjeve të tetorit, duke e quajtur periudhë të jashtëzakonshme.
“Përmbyllëm një tjetër periudhë jashtëzakonisht pozitive stërvitjesh dhe ndeshjesh. Rezultatet e mira që morëm tregojnë se jemi në drejtimin e duhur dhe se sëbashku jemi më të fortë. Dua të vlerësoj impenjimin dhe dedikimin e futbollistëve, stafit teknik, bashkëpuntorëve dhe stafit menaxherial. Ne gjithashtu kishim mbështetjen e madhe të fansave që na inkurajuan shumë dhe krijuan një atmosferë shumë të bukur gjatë ndeshjeve. Na kanë mbetur akoma dhe dy ndeshje dhe do të vazhdojmë ti dedikojmë gjithmone e më shumë energji për të arritur objektivin tonë që është kualifikimi në Euro 2024. Forca Shqipëri”, shkroi Sylvinho në profilin e tij në Instagram.
