Luçiano Moxhi, ish-drejtori i përgjithshëm i Juventusit, ka komentuar ngjarjet e fundit të ndodhura, por duke u ndalur te ato që prekin më së shumti ish-skuadrën e tij:
“Më vjen keq sesi kanë evoluar gjërat e fundit te Juventusi dhe realisht nëse më pyesni sesi do t’i kisha menaxhuar situatat që kanë ndodhur së fundmi me Pol Pogbanë dhe me Nikolo Faxholin, përgjigja ime është nuk e di. Por ajo që mund të garantoj është se me mua si drejtues te Juvja, as Pogba nuk do të kishte dalë kurrë pozitiv me doping dhe as Faxholi nuk do të ishte i varur nga bastet, pasi në kohën tonë kundrejt çdo futbollisti të Juves kishte një vëmendje shumë të madhe. Gjithsesi, më duket absurde që gjithmonë nxjerrin në fillim emrat e lojtarëve të Juves për çdo çështje dhe pastaj të skuadrave të tjera. Ndonjë këshillë për Xhuntolin? Kristiano nuk ka nevojë për këshillat e mia, por jam i sigurt se në janar do të blejë një mesfushor që të sistemojë gjërat në mesfushë”, tha Moxhi.
PANORAMASPORT.AL
