Erik ten Hag nuk është i shqetësuar nga mungesa e golave të Rasmus Hojlund në Premier League dhe ka besim se sulmuesi do ta gjejë rrjetën së shpejti.
20-vjeçari nuk ka arritur ende golin e tij të parë në Premier League, pasi bëri debutimin e tij në Manchester United më 3 shtator, shkruan lajmi.net.
“Nuk është shqetësim. Ai po shënon për Danimarkën, ai po shënon për ne në Champions League, kështu që do të shënojë edhe për ne në Premier League. Nuk kam asnjë dyshim për këtë. Sot, ai ishte dy ose tre herë në një vend shumë të mirë. Do të vijë momenti i tij dhe ai do të përfundojë”, tha Ten Hag.
Ai ka shënuar tre herë në Ligën e Kampionëve dhe aktualisht është golashënuesi i dytë më i mirë në kualifikimet për Euro 2024 me Danimarkën me shtatë gola, i barabartë me Harry Kane të Anglisë. /Lajm.net/
