Tottenham Hotspur ka regjistruar fitoren e tretë radhazi dhe të shtatën për këtë sezon në Premierligë, për të udhëhequr tani si i vetëm në tabelë.
Skuadra e drejtuar nga Ange Postecoglou fitoi sonte ndaj Fulhamit, në ndeshjen e vlefshme për javën e nëntë.
Spurs triumfuan në shtëpi me rezultatin 2:0. Heung-min Son (36’) dhe James Maddison (54’) shënuan golat e fitores.
Tottenhami tani prin në tabelë me 23 pikë, dy më shumë se Manchester City dhe Arsenali.
Fulhami ndodhet në pozitën e 13-të me 11 pikë të grumbulluara.
