Xhamal Musiala po merr profilin e Alfonso Dejvisit në media, aq sa të lakohet si opsion i mundshëm për largim verën e ardhshme.
Prestigjiozja gjermane “Bild” theksoi para pak ditësh se përfaqësuesit e Musialës e kanë “ngrirë” si diskutimrinovimin, të paktën deri në vitin 2024, e ku do të jepet vendimi final nëse talenti 20-vjeçar do të vazhdojë karrierën me kampionët e Bundesligës apo do të kërkojë eksperiencë të re profesionale.
Raportimet e “El Nacional” theksojnë se Pep Guardiola e ka vënë në krye të objektivave verën e ardhshme futbollistin me numër “42” në grupin e Tomas Tuhelit.
“Bambi” (pseudonim, i cili i referohet Xhamal Musialës), ka kontratë me bavarezët deri në vitit 2026, por ai e ka shprehur se Premier Liga angleze mbetet sensacion për të.
Po në këtë linjë, Guardiola ka identifikuar Real Madridin si pretendentin në rrëmbimin e Xhamalit.Përveç Musialës, “galaktikët” kërkojnë edhe mbrojtësin e rekordmenëve gjermanë Alfonso Dejvis.
Një nga arsyet kryesore që raportoi “Bild” para pak ditësh mbi zhvendosjen e mundshme të futbollistit 20-vjeçar vjen si rezultat i pasigurisë së Bajernit në arritjen e objektivave.
Nëse Kejn me shokë ia dalin të rikthejnë ekipin në majë të Europës, vështirë se “regjisori” i sulmit të kampionëve do të aspirojë aventurë tjetër përveç Mynihut.
Protagonisti në fjalë erdhi nga akademia e Çelsit në vitit 2019 për shumën e 200 mijë eurove.
PANORAMASPORT.AL
