Andrea Kambiaso u shndërrua në një hero te Juventusi në duelin ndaj Veronës, duke shënuar golin e fitores. Ky ishte realizimi i parë i mesfushorit në Serinë A me fanellën e Juventusit. Në prononcimin e dhënë pas ndeshjes, 23-vjeçari ndër të tjera deklaroi:
“Shënova një gol shumë të rëndësishëm, jam shumë i lumtur. Është një fitore që ka rëndësi sepse jemi të parët në tabelë për disa orë të paktën. Kartoni i verdhë? Ishte ndëshkimi më i bukur i karrierës sime. Ishte një mbrëmje pak e keqe, krijuam shumë mundësi: ishim të pafat në dy episodet ku ndërhyri VAR-i, por e rëndësishme ishte fitorja. Është një sukses që na jep vazhdimësi dhe na jep shpresë për të ardhmen”, deklaroi Kambiaso.
PANORAMASPORT.AL
