Interi ka mposhtur Romën me rezultatin 1-0 në kuadër të javës së dhjetë në Serie A.
Goli i vetëm i sfidës erdhi në minutën e 81′ falë asistit të Dimarkos dhe finalizimit të Turamit.
Duket se aktivizimi i Kristjan Asllanit në minutën e 75′ i solli fat Interit për tu rikthyer edhe njëherë në krye. Shqiptari ishte protagonist me topin fantastik të dhënë për Dimarkon, me këtë të fundit që e shndërroi në një asist për Turamin.
INTER 1-0 ROMA
81′ Turam
NGJARJET KRYESORE
90’+6′ Mbyllet dueli.
90′ Akordohen 5 minuta shtesë.
81′ GOOOL INTER 1-0/ Dimarko i dërgon një pasim fantastik Turamit, ky i fundit tregon gjakftohtësi të shkëlqyer brenda zonës dhe dërgon topin nga afërsia në anën e pasme të rrjetës. (VIDEO)
75′ Çalhanoglu lë fushën e lojës, ka minuta për Asllanin.
67′ Kristante kërcen lart dhe e drejton topin në këndin e poshtëm të majtë, Zomer tregon reflekset e tij të shkëlqyera dhe bën një pritje të lavdishme. (VIDEO)
53′ Dumfris dërgon një pasim në zonën e rreptësisë, por Lorente arrin të largojë rrezikun. (VIDEO)
48′ Çalhanoglu kroson nga goditja e dënimit drejt zonës, Turam gjuan me kokë por topi përfundon mbi traversë. (VIDEO)
46′ Nis pjesa e dytë, largohet Pavard dhe në lojë futet Darmian.
45’+4′ Mbyllet pjesa e parë.
45′ Akordohen 3 minuta shtesë.
39′ Lautaro Martinez kontrollon bukur një pasim dhe nga buza e zonës gjuan drejt portës, por pa dashje bllokohet nga një mbrojtës dhe topi largohet. (VIDEO)
27′ Vazhdojnë vërshëllimat e tifozëve të Interit ndaj Lukakaut, sa herë që ish sulmuesi prek topin apo përfshihet në aksion.
24′ Mkhitarian provon me të djathtën, por shënjestra është e gabuar.
15′ Rui Patricio tregohet vendimtar me ndërhyrjen me këmbë duke bllokuar gjuajtjen e Turam në zonë.
6′ Çalhanoglu trondit portën e Romës, por topi ndalet në traversë. (VIDEO)
1′ Starton dueli!
FORMACIONET ZYRTARE
Inter: Somer, Pavard, Açerbi, Bastoni, Dumfris, Barela, Çalhanoglu, Mkhitarian, Dimarko, Turam, Lautaro.
Roma: Rui Patricio, Mançini, Lorente, Ndika, Kristensen, Kristante, Paredes, Bove, ZaleVski, Lukaku, El Sharavi.
PANORAMASPORT.AL
