Simon Kjaer ishte dorëzuar pak para ndeshjes me Napolin, teksa në sfidë e sipër tre të dëmtuar i shtohen infermierisë kuqezi. Kristian Pulisiç, pas pjesës së parë, nuk u kthye në fushë për shkak të një kontrakture, teksa në minutat e fundit edhe Pelegrino la fushën duke çaluar.
Për të mos u harruar edhe Pier Kalulu që u dorëzua pas 19 minutash. Francezi sapo ishte kthyer nga dëmtimi dhe sot së bashku me shokët e tjerë do t’u nënshtrohen ekzaminimeve për të kuptuar diagnozat përkatëse që sigurisht po fillojnë të bëhen të shumta.
Ndërkohë, duhet të kujtojmë se mungon edhe Loftus-Çik, të cilin Pioli shpreson ta ketë gati për në fundjavë kundër Udinezes. Mbeten ende pa afat rikthimet e Benaserit dhe Kaldarës, ndërkohë që Sportielo duhet të nisë stërvitjet pas një jave ashtu si Çukvueze.
PANORAMASPORT.AL
