Bajern Mynih ka “sh kërmoqur” me shi frat e frikshme 8-0 Darmshtadin e Klaus Gjasulës. Herri Kejn ishte padiskutim protagonist në kampin vendës, teksa shënoi tripletë dhe “skaliti” rekord të ri në kategorinë e golave. Pavarësisht këtij suksesi, ekipi i Tomas Tuhelit ende pozicionohet ne vendin e dytë të Bundesligës, e përkthyer me 23 pikë.
PRONONCIMI I “VRASTARIT” KEJN- ”Unë gjithmonë vëzhgoj se ku është portieri dhe më pas i jap udhë topit. Gardiani i Darmshtadit ishte vendosur goxha lart dhe nuk e mendova dy herë goditjen drejt portës. Gola të tillë kam shënuar edhe më parë, kështu që nuk ishte diçka e re për mua. Sigurisht që jam i lumtur për tregolëshin, ama fillimisht më duhet një vend i përshtatshëm ku ta vendos.
Ekipi është në formë të shkëlqyer dhe e konsideroj veten me fat që kam mundësi të punoj me lojtarë kaq të talentuar. Mezi po e pres ballafaqimin ndaj Borusia Dortmundit. Ata po përjetojnë nisje fantastike dhe tifozërinë e kanë armë të fortë, megjithatë mentaliteti në ekipin tonë ka kapur majat. Ende pa humbje në kampionat, tregues se sa kockë e fortë janë. Pres atmosferë elektrizuese në shtëpinë e tyre.
Nuk e vë në dyshim se do të jetë takim i vështirë, por e kemi dëshmuar se jemi gati. Rreth hapësirës ku do të qëndrojë topi, ju them se ende nuk e kam një shtëpi. Aktualisht jetoj në hotel dhe do të përpiqem të gjej një zonë të rëndësishme”, përfundoi i buzëqeshur Herri Kejn.
“Pyka” angleze konkretizoi trisin e dytë të golave me rekordmenët e Gjermanisë në 9 javë kampionat, duke grumbulluar 12 gola. Askush si debutues nuk ka kapur kuotë kaq të lartë finalizimesh në këtë distancë javësh, e cila përkon me rekord në Bundesligë.
Përgatiti: SAIMIR MBËRSI – PANORAMASPORT.AL
