Në sallën e konferencave për shtyp dhe përpara se policia të bënte mësymjen e saj në Koverçano, përpara gazetarëve ishte Françesko Açerbi, i cili preku temën e fundit të basteve ilegale, pa e ditur se të implikuar ishin edhe Sandro Tonali e Nikolo Zaniolo, duke goditur shumë shokët dhe kolegët e tij:
“Që të bësh një punë, një profesion çfarëdolloj, pikësëpari duhet të kesh respekt për veten. Aq më shumë kur bëhet fjalë për ne futbollistët, të cilët bëjmë sport dhe paguhemi shumë mirë. Bastet një sëmundje? E thash, nuk dua të hy brenda çështjes dhe të prek gjëra të veçantë, por personalisht e mendoj në këtë mënyrë, sepse kur tregon respekt për veten, është e sigurt se respekton edhe sportin, por edhe shokët dhe njerëzit që të rrethojnë, në një klub apo akoma më shumë në kombëtare.
Gjithsesi, tani të gjithë mendjen te Malta, pasi këto tri pikë janë një detyrim, në mënyrë që të shkojmë shumë më të qetë në Angli, ku na pret një duel sa emocionues, aq edhe i vështirë”, deklaroi mbrojtësi i Interit.
PANORAMASPORT.AL
