Florian Virc është ylli kryesor i Leverkuseniut të Ksabi Alonsos. Mesfushori 20-vjeçar gjerman ka shënuar 8 gola dhe ka dhënë 16 asiste në 30 ndeshjet e tij këtë sezon në të gjitha kompeticionet.
Kjo do të thotë se skuadrat e mëdha në Evropë e kanë tashmë në radarin e tyre. Lojtari, sipas “Bild”, nuk dëshiron të largohet nga Leverkusen deri në vitin 2025, ndaj duket e vështirë për të nënshkruar me të këtë verë.
Bajerni sakaq e ka atë si objektivin kryesor, por Leverkusen nuk dëshiron t’ia shesë yllin rivalit të tij më të madh.
Nisur nga kjo situatë, “Adidas”, sponsori i tij kryesor, është futur në lojë duke e shtyrë mesfushorin që të nënshkuajë për Realin e Madridit duke nisur që nga viti 2025, të cili momentalisht Leverkuseni e vlerëson 130 milionë euro.
PANORAMASPORT.AL
