Andre Onana do të fluturojë sot drejt Manchesterit për ta kompletuar transferimin e tij në Manchester United.
Portieri i deritashëm i Interit do të udhëtojë drejt Anglisë me aeroplan privat, ndërsa mësohet se do të zbarkojë në ishull rreth orës 19:00 me orën lokale të Britanisë së Madhe, mëson eksperti i transfereve Fabrizio Romano.
Testet mjekësore dhe kontrata do të nënshkruhen mes së mërkurës dhe së enjtes dhe më pas do të vijë edhe zyrtarizimi i tij.
Të gjithë dokumentet janë nënshkruar, ndërsa Interi do t’i fitojë 51 milionë euro plus 4 milionë euro të tjerë nga bonuset eventuale.
Onana do të nënshkruajë kontratë valide me “Djajtë e Kuq” deri në vitin 2028, me mundësi të vazhdimit për një vit tjetër, respektivisht deri më 2029.
Ish-portieri i Ajaxit bëri paraqitje të shkëlqyeshme me “Nerazzurri” në sezonin e fundit, duke i ndihmuar Zikaltrit të shkojnë deri në finale të Ligës së Kampionëve.
