Kryetari i Federatës së Futbollit të Kosovës (FFK), Agim Ademi, ka vizituar sot Leposaviqin për të parë nga afër punimet në kompleksin sportiv që po ndërtohet.
Gjatë kësaj vizite, Ademi vlerësoi përparimin e punimeve dhe rëndësinë e këtij investimi për zhvillimin e sportit në rajon.
Përveç kësaj, Ademi vizitoi edhe stadiumin e Leshakut, i cili gjithashtu do të jetë nën mbikëqyrjen e FFK-së.
Stadiumi po përgatitet për të përmbushur standardet e kërkuara për organizimin e ndeshjeve të nivelit të lartë dhe për t’i shërbyer komunitetit sportiv lokal.
Këto investime janë pjesë e strategjisë së FFK-së për të përmirësuar infrastrukturën sportive në të gjithë Kosovën dhe për të ofruar kushte më të mira për të rinjtë dhe talentet e futbollit në zhvillimin e tyre.
