“Hakan Calhanoglu ka një kontratë me Interin deri në vitin 2027 dhe është shumë i lumtur si në Itali ashtu edhe tek Interi. Spekulimet për një transferim të mundshëm te Galatasaraj kanë dalë në sipërfaqe disa herë në të kaluarën dhe tani po ringjallen. Faktet, megjithatë, janë të qarta: nuk pati negociata me Galatasarajin verën e kaluar ose në janar. Në asnjë moment nuk pati kërkesa apo pyetje konkrete.”
Agjenti i sulmuesit turk, Gordon Stipic, ndërhyn për të heshtur thashethemet e fundit për transferime që vijnë nga Turqia, sipas të cilave lojtari i zikaltërve do të shkojë te Galatasaraj.
“Hakan mbetet plotësisht i përqendruar në atë që ka vërtet rëndësi në këtë fazë: Interin, luftën për titullin dhe arritjen e suksesit me ekipin”, tha Stipic ekskluzivisht për Fabrizio Romano.
“Javë pas jave, me performancat e tij, pasionin dhe ndjenjën e përgjegjësisë në fushë, ai vazhdon të demonstrojë cilësinë dhe rëndësinë e tij për ekipin. Ai shikon me krenari dhe vendosmëri të madhe Kupën e Botës të ardhshme, ku do ta udhëheqë ekipin e tij kombëtar si kapiten, një përgjegjësi që është një nder i veçantë dhe do të thotë gjithçka për të.”
