Milan u mposht 1-0 në transfertën e fundit ndaj Lazios, duke humbur shansin e artë për të ulur diferencën prej 8 pikësh me Interin. Sikur të mos mjaftonte humbja, një tjetër moment që ka tensionuar sitautën te kuqezinjtë është edhe reagimi aspak normal i Rafa Leao në momentin e zëvendësimit në pjesën e dytë.
Për këtë rast, Max Allegri nuk ka reaguar ende pubikisht, por agjenti i tij, Giovanni Branchini po. “Leao është një burim të ardhurash për klubin dhe për këtë arsye duhet të merren në konsideratë faktorë të ndryshëm. Këtë sezon ai padyshim nuk po jep një kontribut të madh për ekipin, kjo është e qartë për të gjithë.
Ai mbetet një lojtar i rëndësishëm dhe do të mbrohet deri në fund, ashtu siç bëri Allegri pas ndeshjes së mbrëmshme, pavarësisht epilogut të ashpër të zëvendësimit”, “, tha Branchini.
I pyetur nëse Allegri do të ndëshkonte lojtarin e tij për këtë shfaqje mosrespekti, përgjigjja e agjentit të trajnerit kuqezi ishte domethënëse.
“Dinamika e klubit është e ndërlikuar”, u përgjigj shkurt Branchini në një intervistë për Radio Anch’io Sport në Radio 1.
