Në prag të ndeshjes kundër Ajaksit, trajneri i Lazios, Marco Baroni ka folur për ndeshjen dhe momentin që po kalojnë bardhekaltërit.
“Ne nuk jemi të frikësuar, por të përqendruar te puna dhe rritja. Nëse ka pasur një përshpejtim në këtë proces, ua detyrojmë lojtarëve, ata janë krijuesit kryesorë. Jam i qetë sepse shoh se si funksionon ekipi.
Çdo ndeshje na jep ndërgjegjësim. Ne jemi këtu duke luajtur kundër një ekipi me histori, është një shkollë që krijoi një filozofi. Këto janë ndeshje që ne duam t’i luajmë, pastaj ato na japin atë rritje si individualisht dhe kolektivisht, e dimë se do të jetë një ndeshje shumë e vështirë, por bukuria është pikërisht këtu.
Do të jetë një ndeshje e vështirë kundër Ajax-it, ne përballemi me një ekip që ka një kulturë loje. E dimë se ka individë të rëndësishëm në fushë, por edhe një kolektiv të shkëlqyer. Pjesa e vështirë do të jetë në fushë, do të jetë një ndeshje e hapur sepse do të takohen dy skuadra që luajnë dhe do të përballen ballë për ballë. Do të ketë një shfaqje të mirë në fushë”, ka thënë mes të tjerash Baroni.
Kujtojmë që sfida Ajax-Lazio do të transmetohet në RTSH 1 në orën 21:00.
