Akil Gjakova ka mbetur pa medalje në Kampionat Evropian të xhudos.
Të premten në Tbilisi të Gjeorgjisë, Gjakova u mposht në luftë për medaljen e bronztë në kategorinë deri 73 kilogramë.
Ai u përball me turkun Bilal Çiloglu, që realizoi hedhje pak para fundit.
Në përgjithësi lufta ishte e fortë dhe e barabartë. Por xhudisti turk shfrytëzoi një moment pakujdesie të Gjakovës dhe realizoi hedhjen e fitores. Ai fitoi me uazari.
Akili e nisi me fitore me Ippon ndaj austriakut Samuel Gassner.
Edhe luftën e dytë xhudisti kosovar e fitoi me Ippon. Pas 7.15 minuta luftë e mposhti britanikun Benjamin Levy.
Pësoi në çerekfinale nga legjenda gjeorgjiane, Shavdatiashvili por në luftëne parë të repesazhit fitoi ndaj Osmanovit të Moldavisë.
Të premten garuan edhe Dardan Cena e Laura Fazliu, por që u ndalën herët.
