Raportet nga Turqia pretendojnë se sulmuesi i Galatasaray, Nicolo Zaniolo ka marrë një ofertë me vlerë më shumë se 100 milionë euro nga skuadra saudite Al-Hilal.
24-vjeçari u largua nga Roma për në skuadrën turke në shkurt dhe tregoi disa shenja pozitive në gjysmë-sezonin e tij të parë në klub, duke shënuar pesë gola në 11 paraqitje.
Javët e fundit, raportet janë shfaqur se Zaniolo mund të rikthehet shpejt në Serie A dhe ai dha një intervistë ku përmendi dashurinë e tij për Juventusin.
Siç raportohet nga mediat turke përmes TMW, Zaniolo ka marrë një ofertë tepër fitimprurëse nga Al-Hilal, një kontratë katërvjeçare me vlerë rreth 120 milionë euro në total. Atij i është dhënë 15 ditë kohë për t’u përgjigjur.
Al-Hilal dhe klubet e tjera të Ligës Pro Saudite kanë qenë tepër aktive këtë verë, duke përdorur investimin e tyre të ri nga fondi sovran i pasurisë PIF për të tërhequr lojtarë të ndryshëm të njohur nga Evropa, si Karim Benzema dhe Kalidou Koulibaly.
Al-Hilal po punon gjithashtu për të mbyllur një marrëveshje për yllin e Lazios, Sergej Milinkovic-Savic, pasi tashmë ka rënë dakord për kushtet me lojtarin dhe klubin./Lajmi.net/
