Al-Nassr është në rrugën e duhur për të fituar titullin kampion këtë sezon në Arabinë Saudite, kur duhen edhe pak javë nga fundi. Ky do të jetë titulli i parë i Cristiano Ronaldos me klubin saudit.
Megjithatë, Al-Nassr nuk do të mjaftohet me kaq. Për të kënaqur sa më shumë Cristiano Ronaldon, klubi saudit është gati të plotësojë një nga ëndrrat në sirtar të portugezit.
Fabrizio Romano dhe shumë burime të tjera mediatike, bëjnë me dije se Al-Nassr po mendon të aktivizojë në sezonin e ri në ekipin e parë Cristiano Ronaldo Junior, i cili në qershor mbush 16 vjeç.
Nuk do të jetë rasti i parë në historinë e futbollit, por sigurisht që për Cristiano Ronaldon do të jetë një kujtim i jashtëzakonshëm dhe sigurisht një ëndërr e realizuar. Më parë këtë ndjesi e kanë provuar braziliani Rivaldo, i cili ka luajtur përkrah të birit Rivaldinho dhe suedezi Henrik Larsson që ka luajtur me të birin Jordan Larsson.
