Shkëndija ka një yll të ri që po ngrihet në hierarkinë e skuadrës dhe ai është Alban Ferati.
Mesfushori i talentuar haraçinas ka qenë pjesë e klubit që nga fëmijëria, dhe tani pasi iu besua shiriti i kapitenit, ai ndihet tepër i emocionuar.
Me fillimin e sezonit pranveror në Ligën e Tretë, ai është kapiten i kuqezinjve nga Haraçina.
Ferati padyshim se është krenar, pasi ka realizuar një ëndërr të madhe që të ketë shiritin e kapitenit në krah te Shkëndija para shumë emrave të njohur dhe me përvojë që ka kjo skuadër.
Në fund të fundit, ai ka qenë edhe tifoz i Shkëndijës që kur ka qenë i vogël, pasi gjithmonë kam qenë këtu në klub. Ai është shumë i lumtur që mban shiritin e kapitenit.
Ferati është një simbol i pasionit dhe përkushtimit te Shkëndija, duke u rritur në shkollën e këtij klubi e më pas duke u zhvilluar në akademinë e FC Shkupi, ku fitoi kupën për të rinj me trajnerin aktual që ka Erkan Murseli, ndërsa tani te Shkëndija është bërë një lojtar kyç për skuadrën e parë.
Me vetëm 20 vjeç, ai tashmë ka treguar cilësitë e një lideri, duke fituar zemrat e tifozëve Çlirimtarër për stilin e tij luftarak dhe teknikën e madhe në mbrojte dhe krosimet e rrezikshme në sulm. Me Shkëndijën është drejt realizimit të ëndrrës së madhe-ngjitjes në Ligën e dytë të Maqedonisë së Veriut.
