Trent Alexander-Arnold është shumë pranë një kalimi te Real Madrid. 26-vjeçari anglez, i cili është një nga shtyllat e skuadrës së Arne Slot, ka refuzuar disa oferta për të rinovuar kontratën e tij, e cila skadon verën e ardhshme. Për këtë arsye, vendosmëria e tij për të mos nënshkruar një marrëveshje të re ka tërhequr vëmendjen e gjigantëve spanjollë, Real Madrid, të cilët duket se do të nënshkruajnë në javët e ardhshme.
Nga ana tjetër, Liverpool duket i dorëzuar dhe po shikon në Gjermani për të gjetur një zëvendësues, në fokus janë Frimpong i Bayer Leverkusen dhe Alphonso Davies i Bayern.
Të dy, të lindur në vitin 2000, konsiderohen ndër lojtarët më të mirë të krahut. Frimpong, një holandez me origjinë ganeze, ka bërë përshtypje në Bundesligë me aftësitë e tij në sulm, ndërsa Davies, kanadez, njihet për shpejtësinë e tij.
