Sulmuesi Alexis Sanchez thotë se nuk dëshironte të festonte pas golit ndaj ish skuadrës, Barcelona, megjithatë emocionet e pushtuan.
Fitorja 4-1 e Sevillës ndaj Barcelonës të dielën pa ish-anësorin e katalunasve, Alexis Sanchez, të hapte serinë e golave, ku realizoi nga penalltia dhe kiliani shpjegoi pse festoi, pavarësisht se më parë kishte thënë se nuk do ta bënte.
“A përjashtohet mundësia e vetëlëndimit gjatë tentativës për ikje?”, pyetjet e Murselit për mjekun ligjor
“Isha shprehur se nuk do të festoja, por ndonjëherë emocionet të marrin përpara dhe dëshira të shtyn ta bësh. Në të vërtetë, kam shumë dashuri për Barcelonën”, tha sulmuesi pas ndeshjes.
Sulmuesi veteran ishte ndër më të dalluarit e ndeshjes, duke luajtur rol kyç në presionin e vazhdueshëm ofensiv të Sevillas, të cilin Barcelona assesi nuk arriti ta përballonte.
Goli i Sanchez erdhi pas një penalltie të fituar nga Isaac Romero, i cili u rrëzua në zonë pas një ndërhyrjeje nga Ronald Araujo. Fillimisht gjyqtari refuzoi të akordonte penallti, por pas ndërhyrjes së VAR-it, vendimi u përmbys.
Barcelona kësisoj shijoi humbjen e parë në La Liga, kurse tani renditet në pozitën e dytë, me dy pikë më pak se lideri Real Madrid.
