Milani ka mbërritur në Singapor ku do të zhvillojë një turne miqësor dhe po përgatitet të përballet me Arsenalin në një ndeshje me “shije” Champions, kompeticion të cilin kuqezinjtë nuk do ta luajnë këtë sezon.
“Aspekti pozitiv është se duke luajtur një herë në javë, ke më shumë kohë për të punuar, për të asimiluar konceptet dhe për t’u bërë më shumë një ekip”, tha Massimiliano Allegri në konferencën për shtyp që prezantoi ndeshjen.
“Aspekti negativ është se duke mos luajtur në Ligën e Kampionëve, nuk do të luash ndeshjet e mëdha që të gjithë do të donin të luanin. E shoh gotën gjysmë plot: duhet të punojmë shumë në mënyrë që Milani të mund të kthehet në Ligën e Kampionëve vitin tjetër.”
Objektivi është pra i qartë, dhe trajneri i kuqezinjve e përsëriti menjëherë: “Jam kthyer këtu me entuziazëm dhe dëshirë. Jam i përqendruar në qëllimin përfundimtar, që është që Milani të kualifikohet për Ligën e Kampionëve 2026-27, gjë që është thelbësore për markën dhe për klubin financiarisht.” “Ne filluam 20 ditë më parë,” shtoi ai, “ekipi po punon mirë. Modric do të jetë i rëndësishëm për ne; ai është një kampion dhe do të rrisë nivelin teknik. Qëllimi është të kthehemi të luajmë në Ligën e Kampionëve, gjë që nuk do të jetë e lehtë sepse ka ekipe shumë të pajisura mirë dhe konkurruese.”
