Xabi Alonso shfaqet në horizontin e Real Madridit si një nga kandidatët e ardhshëm për të zënë stolin Los Blancos, pasi Carlo Ancelotti pritet të largohet në fundin e sezonit.
Trajneri i Bayer Leverkusenit ka komentuar thashethemet që e lidhin me një kalim të mundshëm në Madrid në sezonin e ardhshëm.
“Jemi në shtator, është herët. Unë qëndroj i fokusuar. E nisëm mirë sezonin, dua që të gjithë lojtarët të jenë të përqendruar. Prandaj synoj gjithmonë vendin e parë”, iu përgjigj Xabi pyetjes nëse është favorit për stolin e madrilenëve.
Xabi u pyet edhe për lojtarët e tij, se si ndihet për ekipin e tij që ka zëra për të ardhmen e trajnerit të tyre .
“Lojtarët e dinë se si është futbolli. Kjo nuk është asgjë e re. Ne nuk kemi folur për këtë temë”, shtoi Alonso.
